Роберт Уиттакер: "Илия Топурияга енгил вазндаги чемпионлик жангини тезроқ бериш керак, чунки..."

UFC cобиқ чемпиони Роберт Уиттакер промоушен юлдузлари Ислом Махачев (27-1) ва Илия Топурия (16-0) ўртасидаги эҳтимолий жанг ҳақида гапирди.

"UFC Топурияга нима ваъда қилганини билмайман. Аммо агар сиз ўз ихтиёрингиз билан камарни ташлаб, дивизионни ўзгартирсангиз, сизга чемпионлик жанги берилиши керак. Шу боис мен Ислам ва Илия тўқнашувини тезроқ кўришни истайман!" - деди австралиялик "ММАrcade" подкастида.

Эслатиб ўтамиз, Илия Топурия сўнгги жангида америкалик Макс Холлоуэйни учинчи раундда нокаутга учратиб, ўзининг биринчи чемпионлик ҳимоясини амалга оширганди.