Римда амалдаги чемпион Надаль ўз юришини тўхтатди

Римдаги "Мастерс" турнири ўзининг энг қизғин палласига кириб бормоқда. Кеча чорак финалдан ўрин олган навбатдаги беллашувлар якунланди.

Амалдаги чемпион Рафаэль Надаль аргентиналик Диего Шварцманга қарши кортга чиқди ва кутилмаганда мағлубиятга учради. Якуний ҳисоб 6:2, 7:5.

Энди Шварцман финал остонасида Денис Шаповалов билан муносабатларга ойдинлик киритади. Канадалик ракетка устаси чорак финалда Григор Димитровни 6:2, 3:6, 6:2 ҳисобида мағлуб этганди.

Ярим финал учрашувлари 20 сентябрь куни ўтказилади.