Римдаги "Мастерс" туркумига кирувчи турнирнинг жуфтлик баҳслари якунланди. Бугун ўтказилган финал учрашувларида қуйидаги спортчилар зафар қучди:
Марсель Гранольерс ҳамда Орасио Себальос жуфтлиги ҳал қилувчи баҳсда франциялик теннисчилар Жереми Шарди ва Фабрис Мартен тандемини мағлуб этди. Биринчи сетни 6:4 ҳисобида ютиб олган Марсель билан Орасио иккинчисини 7:5 кўринишида бой берди. Бироқ ҳал қилувчи сетни 10:8 ҳисобида ўз фойдасига ҳал қилиб, эркаклар ўртасидаги жуфтлик баҳсларида олтин медални қўлга киритди.
Аёл теннисчилар ўртасидаги олтин медаллар Се Шувэй ва Барбора Стрицовага насиб қилди. Улар ҳал қилувчи беллашувда Анна-Лена Фридзам ҳамда Йоана Олару тандемини мағлубиятга учратди. Қайд этиш жоиз, Шувэй ва Стрицова ўз рақибаларини ўта хотиржамлик билан енгди. Якуний ҳисоб: 6:2, 6:2.
Энди спортчилар 900 рейтинг очкога эга бўлади. Шунингдек, эркаклар 58,860 евро, аёллар эса 62,520 евро миқдорида мукофот пулларини қабул қилиб олади.