"Ювентус"нинг уэльслик ярим ҳимоячиси Аарон Рэмзининг ҳали жамоадан кетиш нияти йўқ. Бу ҳақда журналист Жанлука Ди Марцио хабар бермоқда.
"Рэмзи қолмоқчи. Унинг шартномаси бор ва бу ҳолатда бошқа қарорга келиш қийин. У "Ювентус" қутулмоқчи бўлган ўйинчилар орасида эмас. Хедира ва Матюиди шундай футболчилардан эди ва улардан бирининг трансфери амалга ошди. Менимча, Рэмзи Туринда қолади", - дейди журналист.
29 ёшли хавбек туринликлар сафида 2019 йилдан бери тўп тепиб келмоқда. Унинг клуб билан шартномаси 2023 йил 30 июнида якунига етади.
Изоҳлар (0)
Ҳозирча изоҳлар йўқ