"Реал"нинг янги мавсумдаги сардори маълум

Мадриднинг “Реал” клуби Карим Бензема жамоани тарк этганидан кейин янги сардорни аниқлаш учун овоз берди. 

“Қаймоқранглилар” матбуот хизматининг хабар беришича, ҳимоячи Начо Фернандес жамоанинг янги сардори бўлди. Ярим ҳимоячи Лука Модрич иккинчи сардор этиб тайинланди. Кейинги ўринларда Дани Карвахаль ва ярим ҳимоячи Тони Кроос турибди.

"Реал" Мадрид ўтган мавсум Испания чемпионатининг кумуш медалларини қўлга киритди.