“Реал”га ўтганимдан ўлганим яхши!

“Барселона”нинг энг тажрибали футболчиларидан Жерар Пике “Реал”га ўтиши мумкинлиги ҳақидаги саволга жавоб берди.

- Бунинг умуман имкони йўқ. Ҳеч нарса эвазига бунга рози бўлмайман. “Реал”га ўтганимдан ўлганим яхши, - деди Жерар Пике.

Испаниялик ҳимоячи жорий мавсумда 12 та учрашувда қатнашиб, битта гол уришга ҳам эришди. У 2004-2008 йиллар давомида “Манчестер Юнайтед” ўйинчиси ҳисобланган. Орада бир мавсум ижара асосида “Реал Сарагоса”да тўп тепган.

Пике 2008 йилдан бери Каталония клуби шарафини ҳимоя қилиб келмоқда.