“Реал” юлдузи “Рома”ни менсимади
- 4-июн 2022, 18:59
- Zohir Toshxo’jayev
- 0
- Футбол
“Реал” раҳбарияти ўзига керак бўлмай қолган плеймейкер Искога янги иш жойи қидирмоқда. Испан ярим ҳимоячиси 2013 йилдан бери Мадрид клуби шарафини ҳимоя қилиб келяпти. Лекин кейинги пайтда 30 ёшли ўйинчининг асосий таркибга кириши анча қийинлашиб қолди.
“Реал”нинг Испания чемпионати ва Чемпионлар лигасидаги ғалабаси билан якунланган мавсумда Иско 17 та учрашувда қатнашиб иккита гол урди холос.
Исконинг шартномаси шу ой охирида якунланади. Унга “Рома” ва “Милан” жиддий қизиқиш билдириб, иш шартнома таклиф қилишгача борди. Лекин Иско Испаниядан ташқарига чиқиш вариантини қабул қилгани йўқ ва у келаси мавсум ҳам Ла Лигада тўп тепмоқчи.
“Реал”нинг катта маош олиб ўрганган футболчисига Испания клубларидан чорлов бўлгани йўқ. Аввалроқ, “Бетис” бу ярим ҳимоячини таклиф қилмоқчи экани ҳақида хабарлар пайдо бўлдию кейинчалик бу мавсум бошқа кўтарилмади.
Иско қарийб ўн йил муқаддам “Реал”га ўтганга қадар “Малага” футболчиси бўлган.
“Рома” ҳимояни мустаҳкамлайди
“Рома” келаси мавсум олдидан барча позицияларни кучайтиришга қарор қилган. Жозе Моуриньо энди юқори мақсадлар сари курашишини таъкидлади. Таркиб ҳам шунга яраша бўлиши керак.
Клуб спорт директори Тьягу Пинто мўлжаллаган ўйинчилардан бири “Бордо” вакили Рауль Беллоновадир.
22 ёшли ҳимоячи мавсумни ижара асосида “Кальяри”да ўтказди. Бу жамоа Раулнинг шартномасида кўрсатилган 700 минг евро миқдоридаги баждал пулини тўлаб, футболчининг трансфер ҳуқуқини тўлиқ сотиб олмоқчи.
“Кальяри” Раулга “Рома”дан ташқари “Интер”дан жиддий қизиқиш бўлаётганини билади ва кейинчалик бу футболчини 7 миллион еврога сотиб юборишни режалаштирмоқда.
Белланова якунланган мавсумда 31 маротаба майдонга тушиб, битта гол ва бир жуфт голли пас муаллифи бўлди.
Моуриньо: Қани кел, “Рома”да совринларни бирга ютамиз!
La Gazzetta dello Sport нашрининг хабар беришича, Жозе Моуриньо “Манчестер Юнайтед”дан кетиши аниқ бўлган Жесси Лингардни “Рома”га чақиряпти.
Англиялик ҳужумкор футболчига “Вест Хэм” оғиз солганди, бироқ томонлар маош борасида келиша олмади.
Лингрд фаолиятидаги сўнгги соврини айнан Жозе Моуриньо “Манчестер Юнайтед”ни бошқарган даврда қўлга киритган. Ўшанда манчестерликлар Европа лигасида бош соврин соҳиби бўлганди.
“Манчестер Юнайтед” бу галги мавсуми ҳам совринсиз якунлади. Жозе Моуриньо бошчилик қилган “Рома” Европа миқёсидаги учинчи мусобақа – Конференциялар лигаси ғолиби бўлди.
Жозе Моуриньо собиқ шогирдини Римга келиб, келажакда совринлар учун биргаликда курашишга чорламоқда.
29 ёшли футболчи мавсумда жами 22 маротаба майдонга тушиб, рақиблар дарвозасини икки марта ишғол қилди ва битта голли пас узатди.
Ана холос! “Рома” мавсум қаҳрамонини сотадиган бўлди!
Моуриньо Роналду трансферига қарши, унга Шомуродов керак!
Шомуродов ҳақиқий жангчи, лекин...
Тўпурар легионеримиз кучли жамоага ўтадими?
Легионерларимиз “ёрворди”: Дебют, ассист ва учта гол!
“Спартак” Ўруновни суҳбатга чорлади. Мақсад аниқ!
Легионеримиз: Мураббий мен билан гаплашмай қўйди!