"Реал" ярим ҳимояга А Сериядан футболчи олиб келмоқчи
- 8-январ 2025, 18:11
- Jahongir Inomjonov
- 0
- Футбол
"Реал Мадрид" Эдерсон Лоуренсони ўз сафига қўшиш вариантини кўриб чиқмоқда.
"AS" нашрининг маълумотларига кўра, мадридликлар "Реал Сосьедад" билан Мартин Субименди трансфери бўйича келишувга эриша олмаган тақдирда, "Аталанта" ярим ҳимоячиси билан шартнома имзолашлари мумкин.
Бергамоликлар Эдерсонни фойдали таклиф бўлса сотишга тайёр. "Қироллик клуби" учун трансфер суммаси 60 миллион еврогача етиши мумкин.
Таъкидланишича, ўтган йили ёзда "Аталанта" Эдерсон учун бир нечта таклифни рад этган. Хусусан, "Атлетико" бразилиялик футболчи учун 55 миллион евро тўлаш ниятида эди. Шунингдек, хавбекка "Манчестер Сити" ва "Манчестер Юнайтед" ҳам қизиқиш билдирмоқда.
Маълумот учун, футболчи жорий мавсум умумий 25 та беллашувда майдонга тушган. Эдерсоннинг ҳисобида 2 та гол ва битта голли узатма бор.