"Реал" қишда янги футболчи сотиб олмайди. Агар...

Мадриднинг “Реал” клуби футболчиларининг жароҳатига қарамай, трансфер бозорига киришга шошилмаяпти. Карло Анчелотти мавсум охиригача сафдан чиққан Даниэль Карвахалга умид боғлай олмайди. Шу сабабли Лукас Васкес ҳимоянинг ўнг қанотини эгаллайди.

Испаниялик журналист Хосе Луис Санчеснинг ёзишича, “қироллик клуби” асосий ўйинчилардан бири яна жиддий жароҳат олган тақдирдагина қишки трансфер пайтида янги футболчи билан шартнома имзолайди.

Мадридликлар ёзда ўз сафига ҳужумчилар - Килиан Мбаппе ва Эндрикни қўшиб олишган эди. Миш-мишларга қараганда, Карло Анчелотти жамоада янги ҳимоячини кўрмоқчи бўлган, аммо раҳбарият мураббийнинг бу истагини рад этган.