“Реал” афсонаси Барселона клубидан юз ўгирди

“Реал”нинг собиқ ҳужумчиси Рауль Гонсалесга Барселона шаҳрининг иккинчи клуби – “Эспаньол”ни шуғуллантириш имконияти таклиф этилди.

Бироқ, 45 ёшли мутахассис “Реал” тизимида қолиб, ёш ўйинчиларга футбол сирларини ўргатишни маъқул топди ва таклифга рад жавобини берди. Бу ҳақда Marca нашри хабар тарқатди.

Рауль футболчи сифатида мадридликлар сафида 18 йил фаолият кўрсатган. Бу давр мобайнида 739 та учрашувда қатнашиб, 332 та гол ва 114 та ассист қайд этган.

Испан ҳужумчиси 2010-2012 йиллар давомида “Шальке”, кейинчалик “Ал-Садд” ва “Нью-Йорк Космос” жамоалари шарафини ҳимоя қилди.

Машҳур футболчи 2018 йилдан бери “Реал” тизимида мураббий сифатида фаолият юритиб келмоқда.