“Реал”, юлдузингни бизга бер!

“Манчестер Юнайтед” раҳбарияти жамоа ҳужум чизиғини кучайтириш учун “Реал” таркибига сиғмаётган бразилиялик форвард Эндрикни олишга қарор қилди.

Бу ҳақда Caught Offside ахборот тарқатди.

Манбанинг таъкидлашича, 19 ёшли ҳужумчи январь ойида ижарага кетади. Мадридликларнинг янги бош мураббийи Хаби Алонсо иқтидорли ҳужумчига таркибдан жой топиб беролмаяпти.

Эндрикнинг ўзи эса, Европага катта мақсадлар билан келган ва вақтини захира ўриндиғида ўтказмоқчи эмас.

Сўнгги маълумотларга қараганда, иқтидорли ўйинчини қишки трансферлар вақтида ижарага олиш учун камида саккизта клуб даъвогарлик қилмоқда. Энди улар қаторига “Манчестер Юнайтед” ҳам қўшилди.

“Қироллик клуби” Эндрикни 2024 йилнинг ёзида “Палмейрас”дан 47,5 миллион еврога трансфер қилган эди. Хаби Алонсо бошқарувни қўлган олгандан бери янги мавсумда бразилиялик легионерни бирор маротаба майдонга туширмади.