“Реал” Арбелоа ўрнига кутилмаган мураббийни олиб келишини кўзлаяпти

Реал мавсумни якунлашга эътибор қаратмоқда. Клуб Алваро Арбелоа билан бирга Ла Лига ва Чемпионлар Лигасида охиригача курашишдан умид қилмоқда.

 Defensa Central хабарига кўра, Флорентино Перес аллақачон келажак ҳақида ўйламоқда. Агар Арбелоа кейинги мавсумда фаолиятини давом эттирмаса, клубда "немис вектори" деб аталадиган вариант кўриб чиқилмоқда. Бунда гап Юрген Клопп ҳақида кетмаяпти.

Асосий номзод Юлиан Нагельсманн бўлиб, унинг Германия терма жамоаси билан шартномаси 2028 йилгача амал қилади. Ҳаммаси кейинги жаҳон чемпионати қандай ўтишига боғлиқ бўлади. Қайд этилишича, Германия футбол федерацияси мутахассиснинг ўзи сўраса, уни қўйиб юбориши мумкин. Перес 2018 йилда ҳам Нагельсманни клубга олиб келишга ҳаракат қилган эди. Ўшанда немис "Реал"га ўтишга журъат этмаганди, аммо энди вазият ўзгариши мумкин.