Расман! "Рома" Уругвай терма жамоаси аъзоси билан шартнома имзолади (ФОТО)

"Рома" ўзининг расмий сайтида Бразилиянинг "Палмейрас" клуби ҳимоячиси Матиас Виньянинг трансферини эълон қилди.

Юқоридаги манбага кўра, "бўрилар" 23 ёшли уругвайлик футболчи учун “Палмейрас”га 13 миллион евро тўлаган. Томонлар 2026 йилга қадар шартнома имзолашган.

Винья "Рома"да 5-рақам остида тўп сурадиган бўлди.

Матиас Винья "Палмейрас" сафида 2020 йилнинг январидан буён ўйнаб келаётган эди. У ўтган давр мобайнида жами 69 та ўйинда майдонга тушди ва ўз ҳисобига 5 та гол ҳамда 10 та голли узатма ёздириб қўйди.