Расман! "Қўқон-1912" Даврон Файзиев ўрнига тайинланган янги бош мураббий номини эълон қилди

"Қўқон-1912" клуби янги бош мураббий номини эълон қилди. Унга кўра, энди "шунқорлар"ни Мухсин Низомиддинов бошқаради. Бу ҳақда клуб матбуот хизмати хабар берди. 

Аввалроқ, собиқ бош мураббий Даврон Файзиев ўз илтимосига кўра истеъфога чиқарилганди. Унинг штабида ишлаган Шавкат Абдухўжаев ва Ҳислат Чилматов билан ҳам икки томонлама шартнома бекор қилинган.

Эслатиб ўтамиз, "Қўқон-1912" айни пайт Про-лигада 11 очко билан 3-ўринда бормоқда. Клуб пешқадам "Локомотив"дан 5 очко кам жамғарган.