Расман: "Палмейрас" "Спартак" форвардини харид қилди

Россиянинг "Спартак" клуби хужумчиси Луис Адриано ўз ватанига қайтди.

Бразилиянинг "Палмейрас" клуби Луис билан 4 йиллик шартнома тузди.

Маълумотларга қараганда, бразилияликнинг трансфери 1 млн еврога тушган.

Луис Адриано "Спартак" клубига 2017 йилда келган. Сўнгги мавсумда эса, Премьер-Лигада 23 та баҳс ўтказган ва 6 та гол уриш билан бирга 5 та голли узатмани амалга оширган.