Расман! Легионерлар Россия клубларини тарк этаётган бир пайтда колумбиялик футболчи "Зенит" билан шартнома имзолади

“Зенит” матбуот хизмати клубнинг расмий сайти орқали колумбиялик ҳужумчи Матео Кассьерранинг трансфери ҳақида маълум қилди.

Манбага кўра, ушбу трансфер суммаси 4,5 миллион еврони ташкил қилган. Питерликлар 25 ёшли футболчи билан “3+1” кўринишида шартнома имзолаган.

Матео Кассьерра учун Россия чемпионати бегона эмас. Боиси у 2021 йилдан бери “Сочи” жамоасида тўп суриб келаётган эди. У ўтган давр мобайнида сочиликлар сафида жами 23 та ўйинда майдонга тушиб, 14 та гол урди ва 6 та голли узатмани амалга оширди. У бундан аввал “Депортиво Кали”, “Аякс”, “Гронинген”, “Расинг” ва “Белененсес” клубларида ўйнаган.