Расман! Жанлука Скамакка "Вест Хэм"да (фото)

"Сассуоло" футболчиси Жанлука Скамакка АПЛга кўчиб ўтди. У Лондоннинг "Вест Хэм" клуби билан шартнома имзолади. 

"Болғачилар" расмий сайтида маълум қилинишича, ҳужумчи жамоа билан 5 йиллик битимга имзо чеккан. Лондонликлар ушбу трансфер учун бонуслар билан қўшиб ҳисоблаганда 42 миллион евро тўлайди. 

Аввалроқ, Скамаккага ПСЖ клуби жиддий қизиқиш билдираётгани ҳақида хабарлар тарқалганди. Маълумотларга кўра, италиялик форварднинг ўзи Францияни эмас, Англияни танлаган.