Расман. "Фенербахче" португалиялик ҳимоячини ўз сафига қўшиб олди

Туркиянинг "Фенербахче" клуби португалиялик ҳимоячи Нелсон Семеду билан шартнома имзолагани ҳақида эълон қилди.

31 ёшли футболчи "Вулверхэмптон" клубини эркин агент сифатида тарк этди ва янги жамоаси билан 2 йиллик келишувга эришди.

Семеду сўнгги 5 мавсумни АПЛда ўтказган. Ундан аввал эса "Барселона" ва "Бенфика" клубларида тўп сурган. 

Нелсон "бўрилар" сафида умумий 182 та учрашувда иштирок этиб, 3 та гол урган ва 11 та голли узатмага муаллифлик қилган.