Рангник МЮ мухлисларига нохуш хабар айтди
- 9-январ 2022, 11:03
- Zohir Toshxo’jayev
- 0
- Футбол
“Манчестер Юнайтед” бош мураббийи Ральф Рангник жамоа ярим ҳимоячиси Поль Погбанинг жароҳатидан тикланиш жараёни кутилганидан анча узоқ давом этишини маълум қилди.
Погба ноябрь ойида Франция терма жамоаси сафида жароҳат олган эди. Рангникнинг таъкидлашича, тажрибали ўйинчининг тўлиқ тикланиши учун яна 4-5 ҳафта керак бўлади.
- Менга маълум қилишларича, Погба машғулотларни бошлаши учун яна камида 4-5 ҳафта керак бўлади. Биз уни тезроқ сафга қайтишини кутяпмиз. Жароҳатидан қутилганидан кейин ҳам спорт формасини тиклаши учун вақт керак бўлади, - деди Ральф Рангник.
Погбанинг клуб билан ҳамкорлиги мавсум охирида якунланади. Ҳали томонлар янги битим борасида келишувга эришгани йўқ.
Изоҳлар (0)
Ҳозирча изоҳлар йўқ