“Реал”даги юлдузли фаолиятидан кейин ПСЖга ўтган Серхио Рамос парижлик мухлисларнинг кўнглини топа олгани йўқ. Жароҳати туфайли кўплаб ўйинларни ўтказиб юборган тажрибали ҳимоячи янги клубига ҳеч қандай фойда келтирмаяпти.
Серхио Рамос январь ойидан бери илк бор майдонга тушди. Маурисио Почеттино чемпионат доирасида “Лорьян”га қарши ўтказилган беллашувнинг 72-дақиқасида испаниялик ҳимоячини майдонга туширди.
ПСЖ мухлислари Серхио Рамосни ҳуштакбозлик билан кутиб олди. Шунга яраша ҳимоячининг ўзи ҳам бирорта самарали ҳаракатни амалга оширгани йўқ.
Ўтган йили ёзда Парижга келган 35 ёшли ўйинчининг амалдаги шартномаси 2023 йилнинг 30 июнида якунига етади. Рамос барча турнирларда олтита учрашув ўтказиб, ўз ҳисобига битта гол ёздириб қўйган.
Изоҳлар (0)
Ҳозирча изоҳлар йўқ