Рамос Ла Лигага қайтмоқчи эди. Аммо...

ПСЖ билан шартномаси ўз ниҳоясига етган Серхио Рамос айни дам эркин агент бўлиб турибди. Унинг кейинги манзили ҳоpирча номаълум. Аммо 37 ёшли ҳимоячи Испанияга қайтмоқчи бўлгани маълум бўлди. 

"Relevo" нашри хабар беришича, Рамос "Севилья"га ўтмоқчи эди, лекин клуб бунга рози бўлмади ва ҳеч қандай музокаралар ўтказилмади. Рамосга Саудия Арабистонидан ҳам таклифлар бор. Футболчи тез орада фаолияти борасида қарор қабул қилади. 

Эслатиб ўтамиз, Серхио фаолиятини "Севилья"да бошлаган. У 2005 йили "Реал"га 27 миллион евро эвазига кўчиб ўтганди.