Рафинья: "Хави бўлмаганида мен бу ерда бўлмас эдим"

"Барселона" ҳужумчиси Рафинья унинг ҳозирги ҳолати билан бирга, Ханс-Дитер Флик ва Хави ҳақида ўз фикрлари билан ўртоқлашди. 
 
"Мен бир кун жамоа учун муҳим бўлишимни билардим. Флик дарҳол менга ишонишини айтди. Хави эса доимий равишда буни такрорларди. Агар испаниялик мутахассис "Барселона"да бўлмаганида, мен ҳеч қачон бу футболкани киймаган бўлар эдим. Бу формада ҳаракат қилиш менинг болалигимдан орзуим бўлиб келган. 

Фликнинг келиши расмийлаштирилгандан сўнг у менга қўнғироқ қилиб, мен унинг ишонадиган ўйинчиларимдан бири эканлигимни айтди. У мени танимаган, менинг машғулотларимни кўрмаган эди. Бу эса қароримда жуда катта аҳамиятга эга бўлиб, энг яхши даражага эришиш учун имкон яратди" – деди бразилиялик ҳужумчи "France Football"га берган интервьюсида. 
 
Маълумот ўрнида, 28 ёшли футболчи жорий мавсум германиялик мутахассис қўл остида 34 та беллашувда иштирок этиб, 23 та гол ва 15 та голли узатмага муаллифлик қилди.