Рафинья "Барса"нинг чемпионлар лигасидаги 600-голини киритди

Бугун тунда "Барселона" Европа чемпионлар лигаси чорак финал жавоб учрашуви доирасида ПСЖ билан куч синашди ва йирик 1:4 ҳисобида мағлуб бўлди. 

Учрашувда каталонияликларнинг ягона голини урган Рафинья жамоасининг мазкур мусобақадаги 600-голига муаллифлик қилди. Парижда кечган ўйинда ҳам у икки гол уришга муваффақ бўлганди. 

Икки ўйин натижасига кўра, 4:6 ҳисобида енгилган "Барселона" мусобақани чорак финалда якунлади. ПСЖ эса ярим финалда "Боруссия Дортмунд" билан куч синашади.