Қария “Манчестер Юнайтед”ни сотиб олишга қарор қилди

Британиялик миллардер Жим Рэтклифф “Манчестер Юнайтед” клуби сотувга қўйиладиган бўлса, уни сотиб олиш ниятида эканини маълум қилди, деб хабар бермоқда  Sky Sports нашри.

Бошланишига Рэтклифф клуб акцияларининг маълум қисмини сотиб олмоқчи. Чунки Англия матбуотида “Манчестер Юнайтед”га эгалик қилувчи Глейзерлар оиласи акцияларнинг бир қисмини сотувга қўйиш орқали клубга сармоя жалб қилмоқчилиги ҳақида хабарлар чиққан эди.

69 ёшли Жим Рэтклифф Буюк Британиянинг энг бадавлат одами ҳисобланади. У анча бақувват ҳисобланган Ineos Group Ltd компаниясининг бош директори сифатида фаолият юритиб келмоқда.

Бу миллардер 2019 йили 100 миллион еврога Франциянинг “Ницца” жамоасини сотиб олган эди. Шунингдек, Швейцария чемпионати вакили “Лозанна” ҳам Рэтклиффнинг мулки ҳисобланади.