“Қарға”ларнинг қарори ҳужумчини жумбушга келтирди

“Ньюкасл”нинг энг кучли ҳужумчиси Александр Исаак ёзги трансферлар даврида бошқа клубга ўтишга ҳаракат қилмоқда. Швециялик форвардга “Ливерпуль” варианти маъқул келди.

The Telegraph нашрининг ёзишича, “Ньюкасл” раҳбарияти 25 ёшли футболчи бўйича якуний қарорини эълон қилди. Унга кўра, Исаакка бу ёз бошқа жамоага ўтишига рухсат берилмайди.

Александр Исаакнинг ўзи Англия чемпионлари билан келишиб бўлган. “Ливерпуль” мутасаддилари бу ўйинчини олиш мақсадида “қарғалар”га 111 миллион фунт бадал пули ҳам таклиф қилди.

Бироқ “Ньюкасл” Александрни қўйиб юбормади ва катта суммани қабул қилмади. Исаакнинг ўзи эса, машғулотларда қатнашмай қўйди.

Айни пайтда Исаак асосий таркибдан четлатилган. У мавсумнинг дастлабки расмий учрашувларини ўтказиб юбориши айтилмоқда.