Пётр Ян: Мени чемпионликдан битта жанг ажратиб турибди

Машҳур россиялик ММА жангчиси, енгил вазн тоифасида UFC’нинг собиқ чемпиони Пётр Ян фаолиятини якунлаши мумкинлиги ҳақидаги хабарларга муносабат билдирди.

“Менда истак ва хоҳиш бор. Мен рақобатлаша оламан. Мен аллақачон жангни соғиндим. Агар сизда бундай истак бўлмаса, унда кетишингиз керак. Лекин мен истайман. Мени чемпионликдан битта жанг ажратиб турибди. Кимнидир енгишим керак”, — дея Яннинг сўзларидан иқтибос келтиради “ТАСС”.

Эслатиб ўтамиз, Ян ўзининг сўнгги жангини UFC 299 турнирида хитойлик Сонг Ядонгга қарши ўтказган эди. 9 мартдан 10 мартга ўтар кечаси Майамида (АҚШ) бўлиб ўтган оқшомдаги жанг уч раунд давом этди ва ҳакамларнинг якдил қарори билан Пётр ғалаба қозонган.