ПСЖдан кетмасам бўлмайди!
- 2-феврал 2022, 10:11
- Zohir Toshxo’jayev
- 0
- Футбол
ПСЖнинг асосий дарвозабони Кейлор Навас ёзда клубни тарк этишни мўлжаллаяпти. Коста-рикалик посбон клуб раҳбарияти Маурисио Почеттино ўрнига янги мураббий олиб келса, у келаси мавсум Жанлуижи Доннаруммани биринчи рақам эгасига айлантиришидан хавотирланмоқда.
Ҳозир Лионель Месси ва Неймар бошчилигидаги жанубий америкаликлар Навасни қўллаб-қувватлаяпти. Бунинг ортидан Почеттино кўпроқ Кейлорга ишонч билдиришга мажбур бўляпти.
35 ёшли Навас келажакда ҳам мунтазам ўйин амалиётига эга бўлиш учун бошқа клубга ўтишни режалаштирмоқда. Ҳозирнинг ўзида унга Италия грандлари – “Милан”, “Рома” ва “Ювентус” жиддий қизиқиш билдирмоқда.
Наваснинг парижликлар билан амалдаги шартномаси яна икки ярим йил давом этади. Шундай экан, уни трансфер қилмоқчи бўлаётган клублар бадал пули тўлашига тўғри келади.