RMC Sport нашри хабарига кўра, ПСЖ раҳбарияти ёзги трансфер ойнасида жамоани тарк этиши мумкин бўлган футболчилар орасига ҳужумчи Неймарни ҳам қўшмоқда. Париж гранди аслида бразилиялик юлдуз билан ўтган йилнинг ёзидаёқ хайрлашмоқчи эди, аммо уни сота олмади. Орадан бир йил ўтиб парижликлар яна Неймарни трансферга қўйишди. Аммо молиявий сабабларга кўра, ПСЖ Неймарга яна харидор топиши қийин бўлиши мумкин.
Неймар якунланган 2022/2023 йилги мавсумда ПСЖ таркибида жами 29 та ўйинда майдонга тушиб, 18 та гол урди ва 17 та голли узатмани амалга оширди.
Айтиш жоизки, Неймар футбол тарихидаги энг қиммат футболчи бўлиб қолмоқда. ПСЖ бразилиялик футболчи учун 2017 йилда “Барселона”га нақд 222 миллион евро тўлаганди.
Изоҳлар (0)
Ҳозирча изоҳлар йўқ