ПСЖ ҳужумчиси Усмон Дембеле жароҳатидан тикланиш жараёнини давом эттирмоқда. "L’Equipe" нашрининг хабар беришича, ҳужумчи 6 март куни Франция чемпионати доирасидаги Монакога қарши ўйинда майдонга қайтишга тайёр.
Футболчи одатдагидек бугунги жамоа машғулотларида қатнашди ва майдонга қайтишга қатъий қарор қилган. ПСЖ тиббий ходимлари Дембеленинг жамоага мослашиши ва Чемпионлар Лигасининг 1/8 финал босқичида "Челси"га қарши ўйинларга тайёр бўлиши учун унинг ўйин вақтини аста-секин оширишни режалаштирмоқда.
Усмон 2023 йилда "Барселона"дан ПСЖга 50 миллион евро эвазига келиб қўшилган. Унинг шартномаси 2028 йил 30 июнгача амал қилади. Ҳужумчи бу мавсумда парижликлар сафида барча мусобақаларда 25 та ўйинда майдонга тушиб, 11 та гол урган ва еттита голли узатмани амалга оширган.