Чемпионликдан қуруқ қолган ПСЖ раҳбарияти ёзги трансферлар вақтида таркибни сезиларли даражада кучайтиришга қарор қилди. Халқаро майдонда муваффақият қозониши кутилган парижликлар юлдуз футболчиларни жамлаганига қарамай, ички чемпионатда ҳам рақобатга дош беролмади.
Айни пайтда ПСЖ майдон марказида етакчилик қиладиган ярим ҳимоячига эҳтиёж сезмоқда ва шу мақсадда “Наполи” ўйинчиси Фабиан Руисни олишни режалаштирмоқда.
25 ёшли испаниялик футболчининг харидорлари кўпайиб кетган. Парижликлар уни олиб келиш учун “Барселона”, “Реал”, “Атлетико” каби испан клублари билан рақобатлашиши керак бўлади.
“Наполи” ўз етакчисини қўйиб юборишга тайёр. Бунинг учун харидор клублар неаполликларга камида 50 миллион евро тўлашига тўғри келади. Руис жорий мавсумда А Серияда 33 та учрашувда майдонга тушиб, учта гол уришга муваффақ бўлди.