ПСЖ ҳужумчисининг келажаги бўйича қарор қабул қилди

ПСЖ раҳбарияти франциялик ҳужумчи Брэдли Барколани сотиш ниятида эмас. Бу ҳақда журналист Экрем Конур хабар берди.

Аввалроқ Баркола унга қизиқиш билдираётган "Ливерпуль" клубига муайян шарт қўйгани ҳақида маълумотлар тарқалган эди. Манбага кўра, футболчи ҳақиқатдан ҳам "Ливерпуль"нинг трансфер мақсадларидан бири ҳисобланади, аммо парижликлар уни жамоадан қўйиб юборишни истамаяпти.

Европа Чемпионлар лигасининг амалдаги ғолиби Баркола билан шартномани 2030 йилгача узайтиришни режалаштирмоқда. Шунингдек, футболчига "Бавария" ҳамда Англия чемпионатида иштирок этувчи бир нечта номаълум клублар қизиқиш билдирмоқда.

Жорий мавсумда 23 ёшли вингер барча мусобақаларда 21 та ўйинда майдонга тушиб, бешта гол урди ва учта голли узатмани амалга оширди.