Про лига. Бугун учта ўйин бўлиб ўтди

Про лиганинг 11-туридан ўрин олган "Арал" - "Юниред", "Қўқон-1912" - "Ғиждувон"ва "Локомотив" - "Навбаҳор-Фарм" учрашувлари ўз ниҳоясига етди. 

"Арал" - "Юниред" учрашуви нурсиз дуранг билан тугади. 21 дақиқада ўйинни бошқариб бораётган рефере самарқандликлар футболчиси Ислом Каримовга қизил карточка кўрсатди. Асомиддин Маматов ҳам майдонни эрта тарк этди.

"Қўқон-1912" - "Ғиждувон". "Қўқон-1912" жамоаси футболчиси Бобур Жўрақулов 24 дақиқада ҳисобни очди. Орадан 12 дақиқа ўтиб, Исломбек Исоқжонов пенальтидан гол уриб, учрашувда мувозанатни тиклади. Шундан сўнг Бобуржон Акбаров, 41 (2:1), Анваржон Ҳожимирзаев, 47 (3:1), Дониёр Исмоилов, 51 (4:1), Акром Баҳромов 86 (4:2), Анваржон Ҳожимирзаев, 90+2 (5:2) ўз номига гол ёздириб қўйди.

Шу тариқа баҳс 5:2 ҳисобида водийликларнинг ғалабаси билан якунланди.

"Локомотив" - "Навбаҳор-Фарм" ўйини тақдирини Рустам Соировнинг ягона голи ҳал қилди. "Локомотив" аъзоси илк дақиқада гол уриб, натижани ҳал қилди.