Португалия Роналдусиз ҳам йирик ҳисобда ғалаба қозонди

УЕФА Миллатлар Лигаси 4-туридан ўрин олган Португалия - Швеция беллашуви якунланди. Унда мезбонлар 3:0 ҳисобида зафар қучди.

Дастлаб, 21-дақиқада Бернарду Сильва ҳисобни очган бўлса, Диогу Жота дубль қайд этиб, жамоасига йирик ҳисобдаги ғалабани туҳфа этди. Эътиборлиси, португаллар ўз етакчиси, бир неча кун аввал коронавирус юқтириб олгани хабар қилинган Криштиану Роналдусиз ҳам анча мазмунли ўйин кўрсата олди.

Ушбу натижадан сўнг, португалияликлар 10 очко тўплаган ҳолда, А лигаси 3-гуруҳида пешқадамлик қилаётган бўлса, шведлар сўнгги поғонада жойлашган. Ҳозирча, уларнинг ҳисобида очко йўқ.

{online}3287072{/online}