Пеп Гвардиола: "Ҳали ҳаммаси тугагани йўқ"

"Манчестер Сити" бош мураббийи Хосеп Гвардиола "Барселона", "Бавария" ва "Манчестер Сити"даги иш шароитлари ҳақида гапирди.

"Биз сўнги бир йил ичида кўп нарсани ўзгартирдик. Шунга қарамай, штаб ва футболчиларда ғайрат бор. Уларнинг кўзида фақат ғалаба иштиёқини кўриш мумкин. "Барселона" ва "Бавария"да муаммолар юзага келса, мени ишдан четлатишларини ҳис қилардим. Бу ерда эса бундай муаммо юзага келмайди. Хозирги пайтда ўзимда ва футболчиларимда мавсумни, ўтган мавсумдан анчагина яхши тарзда ўтказиш учун куч-ғайрат сезяпман. Бу менинг мақсадим.

Ўтган мавсумга нисбатан яхшиланаётганимизни ва ўйиндан ўйинга ривожланаётганимизни кўриб турибман. Кўп жиҳатдан ўсиш менга куч бағишлайди, чунки бу ердаги ишим ҳали якунига етгани йўқ. Шунинг учун ҳам шу ердаман", - деди испаниялик мутаҳассис.

Маълумот учун, "шахарликлар" жорий мавсумда АПЛнинг 7-туридан сўнг13 очко билан турнир жадвалининг 5-поғонасини банд этиб турибди.