Педри ва яна ўша Дембеле "Реал" билан ўйинни ўтказиб юбориши кутиляпти

"Барселона"нинг икки футболчиси Педри ва Усмон Дембеле навбатдаги "эл-класико"ни ҳам ўтказиб юбориши кутилмоқда. Бу ҳақда Испаниянинг кўплаб нашрлари хабар берди.

Маълумотларга кўра, Педрининг жароҳати кутилганидан жиддий бўлиб чиққан. У камида 2 ҳафта майдонга туша олмаслиги айтилмоқда.

Эслатиб ўтамиз, "Барселона" "Реал" билан Испания кубоги доирасида 5 апрель санасида кураш олиб боради. Чемпионат доирасидаги сўнгги баҳсда каталонияликлар 2:1 ҳисобида зафар қучди.