"Пахтакор"нинг расмий учрашувлари сони 2,5 мингдан ошди

"Пахтакор" клубининг ўз тарихида ўтказган расмий ўйинлари сони 2506 тага етди. Бу ҳақда клуб матбуот хизмати хабар тарқатмоқда.

“Пахтакор” тарихидаги барча расмий учрашувларнинг статистикаси мухлислар учун турли мусобақаларда кўрсаткичлар қандай кўриниш олганини билиб олишга кўмак беради. Ҳозирча энг кўп ўйин СССР чемпионатида ўтказилган – 1242та. Энг кўп ғалаба эса миллий чемпионатимизда қўлга киритилган – 567 марта. Рақиб дарвозасига гол уриш борасида "шерлар" Ўзбекистон чемпионатида яққол рекордчи ҳисобланишади – 1867та гол.

Айни пайтга қадар жами 2506 расмий учрашувда “Пахтакор” майдонга чиққан. Уларда 1247 ғалаба, 561 дуранг ва 698 мағлубият қайд этилган. Рақиб дарвозасига урилган умумий голлар сони 4328 тага етган.  2818 тўп ўтказиб юборилган. 

Мусобақалар бўйича алоҳида кўрсаткичлар билан жадвал орқали танишиб олишингиз мумкин: