"Пахтакор"нинг ОЧЛдаги гуруҳдоши яна бир юлдуз футболчини ўз сафига қўшиб олмоқчи
- 15-апрел 2019, 16:10
- Baxtiyorjon Toshtemirov
- 0
- Футбол
Мюнхеннинг "Бавария" клуби вингери Франк Рибери фаолиятини Қатарда давом эттириши мумкин.
Kicker нашри тарқатган хабарга қараганда 36 ёшли франциялик футболчига "Ал Садд" клубидан жиддий қизиқишлар бўлмоқда.
Риберининг немис гранди билан амалдаги шартномаси жорий мавсум якунида ўз ниҳоясига етади. Шу боис у ёзда эркин агентга айланади.
Маълумот учун, Рибери “Бавария” сафида 2007 йилдан буён тўп суриб келмоқда. У жорий мавсум 33та ўйинда майдонга тушди ва 5та гол ҳамда 4та голли узатмага муаллифлик қилди. Унинг трансфери 4 млн еврога баҳоланмоқда.
Эслатиб ўтамиз, “Ал Садд” Қатарнинг амалдаги чемпиони ҳисобланади. Хави ва Габи каби машҳур футболчилар тўп сурадиган ушбу жамоа жорий мавсум Осиё чемпионлар лигасида “Пахтакор” клуби билан бир гуруҳда кураш олиб бормоқда.