"Пахтакор" ярим ҳимоячиси легионерга айланяптими?

"Пахтакор" марказий ярим ҳимоячиси Беҳруз Асқаров "Ростов"га ўтиши мумкинлиги ҳақида хабарлар тарқалди. "Шерлар" бош директори Дмитрий Адисман бу хабарлар қанчалик ростлиги ҳақида гапирди. 

"Асқаров бўйича ҳозирча ҳеч қандай музокаралар бўлмаган. "Ростов" биз билан боғланмади ва ҳеч қандай таклиф ҳам билдиргани йўқ", - дея Адисманнинг сўзларини келтиради Sport24.

21 ёшли футболчининг пойтахтликлар билан шартномаси 2027 йилнинг якунига қадар мўлжалланган. "Transfermarkt" портали уни 350 минг еврога баҳоламоқда. Жорий мавсумда Асқаров барча турнирларда 15 та ўйинда қатнашиб, ўз ҳисобига битта гол ва битта голли узатма ёздириб қўйган.