"Пахтакор" 10 минг доллар жаримага тортилди, Жабборов 4 йилга дисквалификация қилинди

Осиё футбол конфедерацияси интизом ва аҳлоқ қўмитасининг сўнгги қарорлари эълон қилинди. 

Ўзбекистон U20 терма жамоаси аъзоси Шаҳриёр Жабборов 2023 йилнинг 17 апрелидан бошлаб тақиқланган дориларни истеъмол қилгани учун 4 йилга дисквалификация қилинди.

Шунингдек, Ўзбекистон терма жамоаси футзалчиси Илҳом Ҳамроев Малайзияга қарши Осиё Кубоги саралаш ўйинида қизил карточка олгани учун 10 минг доллар жаримага тортилди.

"Пахтакор" Чемпионлар лигаси доирасидаги "Ал-Айн"га қарши ўйин вақтида ва баҳс якунлангандан кейин майдонга икки мухлис югуриб чиққани учун 10 000 доллар жаримага тортилди.