"Пахтакор", "Навбаҳор" ёки "Насаф". Ҳамробековнинг олдида учта йўл бор

Айни дамда эркин агент бўлиб турган Одил Ҳамробековнинг келажаги кўпчилик учун қизиқ. SPORTS.uz журналисти Яҳёхўжа Улуғхўжаевнинг ўз телеграм каналида маълум қилишича, 27 ёшли ярим ҳимоячининг олдидан учта зўр вариант бор.

"Одил Хамробеков "Пахтакор", "Насаф" ва " Навбаҳор" учбурчагига тушиб қолди. "Шерлар" "Элит Лига" олдидан Одилни йўқотишни истамаяпти.

Нариги томонда Бердиев (Бу йил легионерлардан кўра кўпроқ собиқ насафчиларга кўз тиккан) Ҳамробековни айтган маошини беришга тайёр. Футболчи ўйин услиби жиҳатдан ҳам "Насаф"га жуда мос келади.

Бундан ташқари "Навбаҳор" марказни кучайтиришга (Жокични "Навбаҳор"на кетиб қолиш эҳтимоли юқори) жиддий киришган. "Лочинлар" музокарани (Самвел Бабаян бу борада беназир) биринчи қисмини бошлаган ҳам.

Қисқаси, Хамробеков бу трансфер ойнасининг энг катта нишонига айланди", - дейилади хабарда.