"Париж-2024": Вакилларимизнинг бугунги иштироки ва натижалари билан танишиб чиқишингиз мумкин!
- 30-июл 2024, 13:42
- 0
- Олимпизм
"Париж-2024" Олимпиадаси давом этади. Бугун (30 июль) куни ўз иштирокини ўтказган спортчиларимизнинг натижалари билан танишинг.
Бокс бўйича -80 кг вазн тоифасида вакилимиз Тўрабек Ҳабибуллаев филиппинлик Эумир Феликс Марисяльга қарши рингга кўтарилди ва унда ишончли тарзда ғалаба қозониб, чорак финалга йўл олди. Энди у 2 август куни ярим финал учун рингга чиқади.
Бокс бўйича -51 кг вазн тоифасида вакилимиз Ҳасанбой Дўсматов илк жангини пуерто риколик рақиби Хуан Мануел Лопесга қарши ўтказди ва унда катта устунлик билан ғалаба қозонди ва кейинги босқичга йўл олди. Дўсматовнинг навбатдаги рақиби қозоқ боксчиси Сакен Бибоссинов бўлади. Жанг 2 август куни бўлиб ўтади.
Бокс бўйича -54 кг вазн тоифасида вакиламиз Нигина Ўктамова шимолий кореялик рақибасига қарши рингга кўтарилди ва унда афсуски, имкониятни бой бериб қўйди ва турнирдаги иштирокини якунлади.
Бокс бўйича аёллар ўртасида -57кг вазн тоифасида Ситора Турдибекова ҳам Париждаги илк баҳсини бошлади. Унга кейинги босқич йўлида конголик Марселат Сакоби Матшу рақиблик қилди ва унда Ситора кичик фарқдаги устунлик билан ғалаба қозонди (3:2) ҳамда кейинги босқичга йўл олди.
Дзюдочимиз Шарофиддин Болтабоев -81 кг вазн тоифасидаги илк иштирокини ироқлик Сажжад Саҳенга қарши ўтказиши керак эди аммо рақиб вақтида кела олмаганлиги сабаб, мусобақадан четлатилди ва шу тариқа Шарофиддин кейинги босқичга йўл олди. Энди вакилимиз навбатдаги баҳсини мезбон вакиили мезбон вакили Альфа Умар Жалога қарши 16:00 да ўтказади. Шарофиддин мезбон вакилига қарши татамига чиқди ва унда икки марта вазаре баҳоси билан ғалаба қозонди. Болтабоев чорак финалда кореялик Ли Жун Хванга қарши баҳс олиб борди ва унда иппион баҳоси билан мағлуб бўлди ва бронза медаль учун имкониятни сақлаб қолди. Афсуски, Шарофиддин ўтиш баҳсида тожик дзюдочига имкониятни бой бериб қўйди. Болтабоев шу тариқа, турнирдаги иштирокини якунлади
Академик эшкак эшиш бўйича вакиламиз Анна Пракатен бугунги иштирокини муваффақиятли бошлади. Ҳамюртимиз ҳозиргина якунига етган финал баҳсида ўз гуруҳида 2-бўлиб маррага етиб келди. Мазкур натижа орқали Пракатен 1 август кунига белгиланган ярим финал босқичига йўлланмани қўлга киритди.
Бугун қатнашадиган спортчиларимиз билан танишинг!
