Парагвай терма жамоасининг тарихий рекорди янгиланди

Парагвай терма жамоаси ҳужумчиси Оскар Кардосо кеча Қатарга қарши бўлиб ўтган Америка кубогининг илк турида ўз ҳисобига гол ёздириб қўйишга эришди.

36 ёшли футболчи учрашувнинг 4-дақиқасида ҳакам томонидан белгиланган пенальтини аниқ амалга оширди. Эътиборлиси, Кардосо шу тариқа Парагвай терма жамоаси тарихида Америка кубокларида гол урган энг ёши катта футболчи сифатида тарихга кирди. Бу ҳақда Mister Chip нашри хабар бермоқда.

Маълумот учун, бунгача бу борадаги рекорд Делфин Касересга тегишли эди. У 1946 йилги қитъа биринчилигида 35 ёш 124 кунлик пайтида гол уришга эришган.