Ўзбекистонлик "Кичик Тайсон" ғалаба қозонди

Профессионал бокснинг ўта енгил (-50,8 кг) вазн тоифасида рингга чиқаётган “Кичик Тайсон” номи билан машҳур ҳамюртимиз Олимжон Назаров (19-5, 11 КО) ҳозиргина якунига етган жангда таиландлик Чаиват Буадкратокка (32-1, 20 КО) қарши жанг ўтказди.

Унда Назаров ўзининг WBO Oriental чемпионлик камарини ҳимоя қилди. Юртдошимиз ажойиб ҳаракатлари билан рақиби устидан ишончли ғалабага эришди. Ҳакамларнинг якдил қарорига кўра, “Кичик Тайсон” навбатдаги ғалабасини нишонлаш баробарида камарини муносиб ҳимоя қилди. Таиландлик чармқўлқоп устаси эса, иккинчи фаолиятидаги иккинчи мағлубиятини қабул қилиб олди.

Эслатиб ўтамиз: Ҳозирда Олим Назаров Жанубий Кореянинг "Cocky Buffalo" промоушени билан ҳамкорлик қилмоқда. У ерда ёш истеъдодли мураббий Бобур нажмиддинов қўл остида жангларга тайёргарлик кўради. Аслида, "Кичик Тайсон" "Оқтепа" клуби тарбияланувчиси бўлиб, Зуфар Сулаймонов шогирди ҳисобланади.