Ўзбекистон U-15 терма жамоаси Марокаш билан 2 та ўртоқлик ўйини ўтказади

10 ноябрь куни Тошкент вилояти Паркент тумани “Қизил-тоғ” спорт-соғломлаштириш базасида Ўзбекистон U-15 терма жамоаси ўқув-машғулот йиғинига киришди. Бу ҳақда ЎФА матбуот хизмати хабар берди.

Исломбек Исмоилов бошқарувидаги жамоамиз йиғин доирасида 16-19 ноябрь кунлари Марокаш U-15 терма жамоасига қарши иккита ўртоқлик учрашувида майдонга тушади.

Ҳар икки баҳс “Дўстлик” терма жамоалар маркази стадионида ўтказилади.