Ўзбекистон терма жамоаси ФИФА рейтингида 11-ўринни эгаллаб турган термага қарши ўйнайди

Ўзбекистон миллий терма жамоаси олдинда турган расмий мусобақаларга тайёргарликни давом эттиради. Вакилларимиз сентябрь ойидаги ФИФА кунларида Болгарияга қарши учрашув ўтказиши режалаштирилганди. Бироқ мураббийлар штабининг қарорига кўра, вакилларимиз Америка Қўшма Штатларида йиғин ўтказадиган бўлди.

Сречко Катанец шогирдлари йиғин доирасида 10 сентябрь куни ФИФА рейтингида 11-ўринни эгаллаб турган АҚШ миллий терма жамоасига қарши ўртоқлик ўйинида майдонга тушадилар. Учрашув Миссури штати Сент-Луис шаҳридаги “Сити Парк” стадионида бўлиб ўтади.