Ўзбекистон терма жамоаси Дубайдаги халқаро турнирда иштирок этади

Ўзбекистон миллий терма жамоаси ноябрь ойидаги ФИФА кунларида Дубайдаги халқаро ўртоқлик турнирида қатнашади. Бу ҳақда ЎФА матбуот хизмати хабар берди.

Маълумотларга кўра, мусобақада Жаҳон чемпионати иштирокчилари — Ўзбекистон, Эрон, Миср ва Кабо-Верде терма жамоалари иштирок этади. Беллашувлар “Ан-Наср” клубига тегишли “Ал-Мактум” стадионида ўтказилади. Барча учрашувлар Тошкент вақти билан соат 22:00'да бошланиши режалаштирилган.

Эслатиб ўтамиз, Фабио Каннаваро шогирдлари октябрь ойида ҳам икки бор ўртоқлик ўйинларида майдонга тушган еди. Дастлаб, Тошкентда Қувайтни 2:0 ҳисобида мағлуб этди, кейин эса Уругвайга қарши баҳсда 1:2 ҳисобида имкониятни бой берди.