Ўзбекистон терма жамоа аъзосига "Барселона"дан таклиф бўлганини биласизми?

Ўтган мавсумни БАА чемпионатида ўтказган Достон Ҳамдамов SPORTS.uz сайтига берган интервьюсида "Бунёдкор"да ўйнаб юрган вақтларида "Барселона Б" дан таклиф тушганини айтди.

"Анжи"га йўл олишимдан аввал, менда кўплаб танловлар бор эди. Ҳатто, "Барселона Б"дан кўрикка чақирамиз, деган хат ҳам келган, аммо ўшанда мени қўйиб юборишмаган эди. Қолаверса, Россиянинг "Уфа" жамоаси ҳам сотиб олишга тайёр эди", - деди футболчи.

Маълумот учун, Достон 2018 йил бир мавсум "Анжи"да ҳаракат қилиб, кейин "Пахтакор" билан шартнома имзолаганди. Футболчи билан уюштирилган интервьюни тез орада "Youtube" каналимизда кўришингиз мумкин.