Ўзбекистон панкратион ва грепплинг терма жамоасининг Бутунжаҳон жанговар ўйинларида иштирок этувчи таркиби билан танишинг!(Фото)

20-30 октябрь кунлари Саудия Арабистонининг Ар-Риёд шаҳри Бутунжаҳон жанговар ўйинларига мезбонлик қилади. Мазкур мусобақада Ўзбекистон панкратион ва грепплинг терма жамоаси ҳам иштирок этади. Маълумки, Ўзбекистон Панкратион ва грепплинг ассоциацияси жорий йил аввалида ташкил этилди ва илк уринишдаёқ жаҳон чемпионатини Тошкентда ўтказилишига эришди. Шунингдек, ҳозирги кунга келиб, учта нуфузли турнир ташкил этилди. Жумладан, Фарғона шаҳрида "Янги Ўзбекистон" кубоги, Самарқандда панкратион бўйича "Ипак йўли" ва Қўқон шаҳрида грепплинг бўйича "Қўқон Опен" турнирлари юқори савияда ўтказилди. Тошкентда бўлиб ўтган жаҳон чемпионатида ўзбекистонлик панкратион ва грепплинг усталари бир нечта йўлланмаларни қўлга киритган эди. 18 октябрь куни Ўзбекистон панкратион ва грепплинг ассоциацияси томонидан ушбу турнирга бағишланган брифинг ташкил этилди ва уларга йўлланмалар тақдим этилди.
Қуйида, Ар-Риёд шаҳрида юртимиз шарафини ҳимоя қилувчи панкратион ва грепплингчиларимиз билан танишинг!