Ўзбекистон МТЖ Шимолий Америка чемпиони билан дуранг ўйнаган баҳсни стадиондан қанча мухлис томоша қилди?

Мексика ва Ўзбекистон ўртасида бўлиб ўтган ўртоқлик баҳси 3:3 ҳисоби билан ўз ниҳоясига етди. 

Дастлаб, 18-дақиқада Бобир Абдихолиқов боши билан гол уриб, ҳисобни очган бўлса, орадан кўп ўтмай Рауль Хименес имкониятларни тенглаштириб қўйди. Тайм сўнггида эса Азизбек Турғунбоев ватандошларимизни олинга олиб чиқди. Аммо ўйиннинг сўнгги дақиқаларида мексикаликлар 2 та гол урди. Учрашувга қўшиб берилган дақиқаларда Отабек Шукуров супер голи билан жамоани қутқариб қолди.

Беллашувдан сўнг Атланта шаҳридаги "Mercedes-Benz" стадионига қанча мухлис киргани маълум бўлди. Қайд этилишича, вакилларимизнинг ўйинини томоша қилиш учун ўйингоҳга 33 минг 817 нафар томошабин ташриф буюрган.