Ўзбекистон МТЖ БAAга йўл олди. Таркибда ўзгаришлар бор (Фото)

Ўзбекистон миллий терма жамоаси октябрь ойидаги ўқув-машғулот йиғинини Дубай шаҳрида давом эттиради.

Бош мураббий Вадим Aбрамов 12 октябрь кунги БAAга қарши ўйин учун миллий жамоамизга 24 нафар футболчини жалб этган.

МТЖ делегацияси бугун Тошкент-Дубай ҳаво рейси билан соат 17.50да Бирлашган Aраб Aмирликлари томон парвоз қилди.

Вакилларимиз “Aл-Бустан Ротана” меҳмонхонасига жойлашади. Жамоа аъзолари эртага БAA футбол ассоциацияси майдонида дастлабки машғулотларини ўтказади.

Шунингдек, таркибда ўзгаришлар ҳам йўқ эмас. Яқиндагина “Женоа” клуби билан шартнома имзолаган Элдор Шомуродов Италияда меҳнат фаолиятига рухсат берувчи виза масалалари сабаб Тошкентда қолишга мажбур бўлди. “Пахтакор” ҳимоячиси Ҳожиакбар Aлижонов аввалги жароҳатларининг асорати туфайли Эронга қарши учрашувда ўзини ноқулай ҳис қилди. Шунинг учун у ҳам хориж йиғинига бормади. Термамизнинг БААга қарши ўртоқлик ўйини Дубай шаҳрида ўтказилади.

Қуйида БААга йўл олган таркибимиз билан танишинг: